باب التوبة
- Rana Rashed
- May 25
- 1 min read
لما تجلد شخص على غلطة هما عملوها زمان،
تعلق لهم المشانق،
و تحاسبهم فى الأرض...
قبل ما ربنا اللى خلقهم يحاسبهم فى السماء.
أسمع كلامي و أفتكره كويس اوى،
لإن ده مش كلام كُتُب و روايات،
ده كلام خبرتي الشخصية فى الحياة:
📌 مفيش ذنب سخرت من غيري عليه،
إلا و ربنا كسرني و خلاني أعمله بعدها علطول.
التكبر على الغير،
هو أول باب للشيطان.
و التباهي بإيمانك،
هو تانى باب بعده علطول.
لإن إيمانك عَطِيَة إلهية من ربنا،
مش إجتهاد شخصي منك.
ممكن تتوب مليون سنة،
و متتقبلش!
و ممكن تصلي و انتَ سكران،
و من كُتر ندمك و صدق نيتك،
ربنا يكتبلك متلمسش المُنكَر تانى!
الإنقاذ من السما،
مش إجتهاد شخصي منك،
ده قبول و رحمة من ربنا.
📌 و أفتكر،
إن اللى مبيرحمش الناس فى الأرض،
مستحيل ربنا يرحمه فى سماه.
♾️
رنا راشد
Comments