عصفور وسط اسود

#رسالة لك فى هذه اللحظة:

"ساعات بتتولد عصفور، فى أرض كلها اسود"

مشاعرك بتبان فى عينيك، وسط ناس بيدوروا بس على الدهب و ماركات العربيات.

صوتك الرقيق بيشوفوه ضعف.

جسدك المثالي بيشوفوه شهوة.

و روحك المرتفعة، بيشوفوها دجل.

كل حاجة جميلة فيك بيقتلوها، و انت لسه على قيد الحياة.

متيأسش، متستسلمش!

خليك متصل مع نفسك، حِب نفسك، احضُن نفسك.

متستناش حد يفهمك، إفتح كشكول، و أتخيل نفسك شاعر كبير، كل الناس بتقرالك.

و أكتب مشاعرك الرقيقة اللى إستهتروا بيها، لنفسك، و أقراها فى السر:

كإنها أثمن ما تملك.

محدش هيحس بيك قد نفسك،

محدش هينقذك غير نفسك.

(وَمَنْ يُؤْتَ الْحِكْمَةَ فَقَدْ أُوتِيَ خَيْرًا كَثِيرًا)

رنا راشد

#واحة #الشفاء

♾️