هننجح مهما قولتوا!

فى مجموعة من البشر تِحَزن اوى الحقيقية...حياتهم كلها متلونه باللون الأسود، و عينيهم كمان.

شغلتهم الوحيدة فى الحياة، إنهم يعاقبوا الناس الإيجابيين على إيجابيتهم!

يِنَدِموا اي حد بيحاول يعمل حاجة كويسه على فكرته،

قبل ما ينشرها.

يسخروا من الناس اللى أنجح منهم، عشان يحبطوهم و يمنعوهم من النجاح اكتر، أحسن لا قدر الله يبان فشلهم.

بس الناس دول ميعرفوش...

إن النجاح عمره ما كان بإيد بشر!

النجاح عطية إلهية،

بيعطيها ربنا للي قلوبهم مخلصة لوجهه تعالى.

و إن الفشل و الرفض مش اللى بيحدده بشر ولا إنسان كاره نفسه.

لا....النجاح هيستمر،

و هيكبر،

طول ما الشخص متصل بروحه، و رؤيته، و مركز على نفسه.

و ده هيحصل،

بمزاجك او غصب عنك.

سواء اختارت تدعمه او تهاجمه.

سواء اخترت تحبه او تكرهه!

هما هينجحوا،

غصب عنك،

لإن رؤيتهم و طاقتهم الإيجابية فى الدنيا،

أعلى بكتير من سلبيتك و حقدك عليهم.

خليك أحقد،

و خليهم هما بينجحوا 😘⭐️

♾️

رنا راشد

#واحة #الشفاء