الحب

الحب زي الصلاة...زي الصلاة. ميقربوش غير الصادقين، المؤمنين بيه، و اللي عايشين بيه و علشانه.

الحب مش لعشاق الجسد و الشهوات و المظاهر، المتمنظرين بيه قدام الناس عشان يرضوا غرورهم.

بس لما هتحب بجد، كل صورتك بتكتمل لوحدها، بمنظرها الجميل و شهوتها النقية، و عنوانها السامي. لإنك صدقت النية و حبيت.

و فى الحب، مش مهم توصل ولا لا، تتجوز ولا تعيش وحيد، تخلف ولا تعيش من غير أولاد...

الحب عمل شريف، أجره و ثوابه فيه!

حتى لو حبيت حبيب روحك بصدق بينك و بين نفسك، أشرفلك مليون مرة...من إنك تبني قصور على زيف.

رنا راشد

#واحة #الشفاء

♾️