لِكُل أنثى، أرهقها التمثيل

#رسالة لكل أنثى:

خلينا متفقين إن لو الراجل عنده أصل و متربي كويس من أب و أم عارفين فى الأصول، مش هتحتاجي تعملي اي حاجة غير إنك تكوني أنثى، و حقوقِك هتجيلك على طبق من دهب من غير ما تطلبي، و زيادة شويه كمان!

📌 لكن حوارات ان حد يعلمك تتقلي، و تشوقيه ولا تدوقيه، و تعملي نفسة ملكة فرنسا عشان يقدرك و يعملك اللى انتى عايزاه (اللى هي حقوقِك البديهية فى العلاقة أصلاً)، ده شغل سوق و بيع و شراء، مينفعش نطبقه على قلوب البشر.

📌 ((الراجل المحترم الأصيل مش بيقرب من واحدة هو مش قدها))

يعني شوفت واحدة محترمة، ناجحة، بنت عيلة و ناس...و عارف نفسك كويس انك مستنزف مادياً و أخلاقياً و مشاعرياً، و معندكش حاجة تسعدها بيها.

📌 رجاءًا خليك فى حالك، و سيبها هي سعيدة و مكتفية بحالها.

بلاش تدخل تبوظ حياتها و تلخبط مشاعرها، لمجرد إنك زهقان شويه.

مع التوضيح إن فى نوعية من الرجال النرجسية، مش بيحترموا غير الست اللى بتهزقهم و تستغلهم، و دول طبعاً ملناش دعوة بيهم على اي حال.

📌 ملخص الكلام: خليكي هادية و صبورة و متطلبيش أبسط حقوقِك عشان تتشافي.

خليكي مكانِك بتهتمي بنفسك و بحياتك.

و الراجل اللى بيحبك بجد، هيقلب الدنيا عشان يوصَلِك.

✨ النصيب بيصيب، لو من خلف ألف حيطه و شباك 🤍

رنا راشد

#واحة #الشفاء