أختارُ نفسي
- Rana Rashed
- Dec 28, 2025
- 1 min read
هقولِك إيه يا رنا بس؟
السنة ده فاتت علينا ب١٠٠ سنة، و اللي قبلها، و اللي قبلها، و كل اللي فاتوا.
معرفش إمتي ممكن ترتاحي و تبطلي تشيلي كل حاجة لوحدِك!
معرفش إمتى حد هيعرف يحبِك زي ما انتي بتحبي الناس؟ بتدخلي جوه تفاصيلهم، بتحفظي روحهم، بتسمعي الكلام اللي خايفين يقولوه بينهم و بين نفسهم.
معرفش لو عرفت أقدملك تجربة الحب اللى تستحقيها فى الدنيا ده؟
أكيد لسه لا، صح؟!
بس عارفه، انتى اكتر بنت مجنونة فى الدنيا! و أجمل ست عرفتها البشرية! و أجمد واحده فى كل حاجة!
أنتى غريبة بشكل جميل يخوف!
معرفش ازاي بتكملي و بتبتسمي بعد كل ده!
معرفش ازاي رنا الصغيره اللى جواكي ده، لسه قادره تبتسم من قلبها، كإنها عمرها ما حزنت!
لسه قادره تحلم و ترسم و تسافر...رغم كل شئ.
و قادرة تتخيل الحب حتى و هي مش لامساه!
قادره تلمس النجوم،
و هي لسه على الأرض! ⭐️
رغم إن المستقبل مجهول تماماً،
و الماضي كله جروح،
و الحاضر غير مضمون تماماً.
بس بقولَك يا رب،
قبل ما تحصل،
و يجي يوم،
و الدنيا تلعب بعقلي،
و تشككني فى كرمك ليا،
و خوفك عليا،
و خطتك ليا،
موتني يا رب أرجوك!
أعوذ بالله من إن يهتز إيماني لغاية ما أموت!!
أموت يا رب،
ولا الشيطان،
أو أعوانه من البشر،
يدخلوا الخوف لقلبي، و لو لحظة!
بحبك يا رب.
و بحب رنا المجنونة العاقله ده جداً جداً جداً!
لو كان عندي بنت يا رنا،
كنت أتمنى تكون زيِك بالظبط كده!! 🔥
♥️☀️✨
رنا راشد
Comments