الحب الحقيقي

#رسالة لك فى هذه اللحظة:

اللى بيحب بجد...مبيقدرش يمسك نفسه!

الحب الحقيقي زي الطوفان، متقدرش تحكمه، هو اللى بيحكمك و يحركك!

بيخليك خفيف، حتى لو انت أتقل شخص فى العالم!

بتنسى الكاريزما و المظاهر، مقابل بس، إنك تبص بصه واحده لحبيبك!

الحب الحقيقي، زي الطوفان، بيمحي جواك، كل اللى حصل قبله.

الحب بيلغي العقل،

مش من باب الغباء،

بس لإنه بيكتب قانون جديد لحياتك،

يشملك انت و حبيبك بس،

و الدنيا كلها تيجي بعدين!

فى الحب بتضحي غصب عنك، مش بمزاجك!

بتتحول من شخص أناني،

لشخص متفاني...بس لإنك بتحب!

و معنى كده...

إن الموت بالنسبالك أسهل من البعد،

لإن بعدك عن حبيبك، مؤلم أكتر من الموت.

عشان كده...

اللى بيقولك "بيحب"،

بس لسه بيحسبها...

بعقله

او بخوفه

او بظروفه،

كداب!

رنا راشد

#واحة #الشفاء

♾️