"هو"
- Rana Rashed
- Feb 10, 2025
- 1 min read
هو…
كان الشمس!
الشمس،
اللى بتشرق كل يوم على الدنيا،
و تنورها بالحب.
كان ظاهرة إنسانية غير مسبوقة،
حصلت على آواني،
و معرفش إمتى هتحصل تانى.
و رغم إن شمسه عمرها ما شرقت جوه بيتي،
إلا إنى كنت ممتنة،
ممتنه حد السماء،
لابتسامته.
لإبداعه.
لإنسانيته.
و لكل حاجة تانيه بيعملها،
و بتخلي الدنيا تستاهل تتعاش،
لكل الناس التانيين.
كان العالم عالم بالنسبالي،
و هو عالمي الخاص.
كان النجمة،
اللى بدل ما تستقر فوق فى المجرة،
نزلت على الأرض بالغلط.
النجمه اللى بتنور للجميع،
و مبيشوفش نورها الكامل غيري!
♾️
رنا راشد
Comments