إتجاه واحد

فى نوعية دنيئة جداً من الرجاله، ظهروا فى زماننا الحالي.

و للأسف، هما سبب فساد بعض البنات فى الحب، و تفكيرهم إن كل الرجاله خاينه.

بيكون راجل مثالي، فى الشكل، و المظهر، و القيمة و الثروة. بس للأسف، مش بيشتغل على نفسه عشان يحترم نفسه كراجل!

لا، ده شغله على نفسه و منصبه الإجتماعي، هدفه الأساسي إنه "يشقط" أكبر عدد من النساء (عفواً فى الكلمة). نوعية النساء اللى بينجذبوا للراجل ده عادة بيكونوا من طبقة متدنية إجتماعياً و اخلاقياً، بيعبدوا المظاهر و الفلوس، ناسيين قوتهم، و مسلمين إيمانهم فى الدنيا لأقرب راجل غني يديهم إهتمام، مش لربنا اللى خلقهم.

📌الراجل اللى زي ده، مش دورك تحليليه نفسياً.

📌ولا تحاولي تنقذيه.

📌و أكيد مستحيل تفكري تحبيه.

لإنه فعلاً ميستحقش المساعدة. ميستحقش اكتر من الشفقة و الدعاء له بالهداية.

الراجل اللى زي ده ربنا إداله كل حاجة حرفياً عشان يكون تقيل و محترم، و يدي نفسه لست واحدة محترمة تشيل إسمه و حُبُه.

لكن للأسف، هو مصمم يعيش دور المراهق المُهزأ، اللى كل شوية يلمح لواحده من نسوانه لما يحتاج جرعة جديدة من الحنان الرخيص اللى من دون مقابل.

بتلاقيه لسه بينام مع مراته او طليقته، و فى نفس الوقت بيشاغل الستات اللى جعانه لإهتمام فى شغله، و فى نفس الوقت بيظبط جوازه مع واحدة بنت ناس هو شايفها تليق إنها تشيل إسمه.

الراجل اللى زي ده ميليقش عليه غير لقب واحد مهما زادت ثروته:

راجل رخيص!

خفيف الظل و الهيبة و العين و اللسان.

و لسه عقابه عند ربنا شديد، على لعبه بقلوب الناس من غير وجه حق.

📌 نصيحة:

إوعي تبقى واحدة من نسوانه!

إنتي أغلى من كده بكتير. 💎

**أكتر أغنية بتوصف الحالة ده، هى أغنية الديفا أنغام، "إتجاه واحد". ربنا يقومها بالسلامة و يرجعها لبلدها على خير يا رب ♥️

رنا راشد

#واحة #الشفاء