إختيار النور

لما أكون مش عارفه أميز قراري فى موضوع مصيري بسبب صدمة نفسية بعاني منها (و كلنا بنعاني من صدمات و مشاكل نفسية بدرجات مختلفة)،

بسأل نفسي سؤال بيساعدني جداً إنى ألاقي الجواب بسرعة:

بسأل:

• لو بنتك او إبنك فى المستقبل، جُم و سألوكي يعملوا إيه فى الموضوع ده؟

بعرف بعد ما بسأل السؤال ده الجواب مباشرة.

لإننا بنحب ولادنا حب غير مشروط، حتى قبل ما نخلفهم، هما الوحيدين اللى بنقولهم الحقيقة كاملة.

لو بسأل نفسي: هكمل فى علاقة، ولا صداقة، ولا مكان عمل او بيئة معينة؟

دايماً بقول:

لو إبني او بنتي فى المستقبل حكولي إنهم فى ظروف زي اللى أنا فيها دلوقتي،

هنصحهم يكملوا ولا يمشوا؟❗️

و أنتَ او انتِ،

لو بنتك او إبنك عايشين حياتك الحالية، هتنصحهم يكملوا ولا يمشوا؟

📌 أفتكر دايماً، إن ولادك هيقلدوا تصرفاتك، مش كلامك اللى بتقوله بس مش بتنفذه.

إحنا مبنخلفش ولاد عشان نأكلهم و نشربهم و نلبسهم،

إحنا بنعمل ولادنا إزاي يحبوا نفسهم و يكونوا شخصية سليمة تواجه العالم، من خلال حُبنا لأنفسنا،

اللى بيبان فى تصرفاتنا و إختيارتنا نحو أنفسنا كل يوم.

تم.

رنا راشد

#واحة #الشفاء