الأنثى فى توأم الشعلة
- Rana Rashed
- Nov 25, 2025
- 1 min read
فى علاقة توأم الشعلة، اللى مليانة خبايا و أسرار كل شوية بنكتشفها سوا:
الأنثى بتكون روحانية، متجلية، عندها روح أجنحتها مفرودة طول الوقت و بتقدر تسافر بروحها قبل ما يتحرك جسمها.
فى العلاقة مع أنثى روحانية و ذكر روحانى فى رابط توأم الشعلة، الذكر المقدس مش محتاج يثبت لأنثاه أي شئ، على عكس فى العلاقة مع أنثى أرضية (و التى نَكِن لها كل الإحترام و التقدير طبعاً).
لكن الأنثى الروحانية بتعرف خطوات توأمها قبل ما تحصل، لأنها بتكون متصلة مع أفكاره و مشاعره بشكل يومي و مباشر عبر موهبة التخاطر الروحاني.
و بتكون متصلة طبعاً بروحها، عبر مهارة التأمل وسط الطبيعة.
عشان كده الرجل مش محتاج يشرحلها او يبررلها حاجة، لأنها فاهماه معظم الوقت.
و حتى فى الأوقات القليلة اللى بيخونها فيها إحساسها و مش بتفهمه، مش بتحكّم عليه أبداً، لكن بتستنى لغاية ما تفهم منه الحقيقة.
لأنها بِتَكِن للذكر المقدس حب غير مشروط، بيمنعها إنها تتعامل معاه بطريقة دنيوية، نِدِيَة، او ذكورية.
عشان كده بنقول للذكور المقدسين، "ناموا و إرتاحوا و ركزوا فى شغلكم و نفسكم"، حبيبتك فاهمة كل حاجة و مش محتاجة تبرير.
و يحضرني هنا مقولة السيدة المصرية العظيمة فاطمة كشرى (اللى جسدتها الفنانة، الرائعة عبلة كامل) فى مسلسل "لن أعيش فى جلباب أبي" فى مشهد بوفيه فرح بنتهم سنية الشهير:
"يا عبده، خليك فى نفسك أنتَ"
😂😂
و فى أغنية بتوصف مشاعر الأنثى المقدسة بالتفصيل، لفراشة الغناء فى مصر، الملكة أنغام، بعنوان:
"متطمنة" 🤍
📌 لو حابب تتعلم مجاناً كل حاجة عن خبايا علاقة "توأم الشعلة"، هتلاقي كل حاجة محتاجها فى القائمة التالية:
توأم الشعلة (فيديوهات تعليمية)
رنا راشد
Comments