الدنيا مش سايبه

و الغريب،

إن مش هتخلص الدنيا، قبل ما كل شخص يلعب كل أدوار المشاعر اللى جاي الدنيا يختبرها.

و ده رحلته من الولادة داخل الموت، للإستيقاظ داخل الحياة. (معنى مكنون يحتاج للتَدَبُر)

إتظلمت؟

هيجيلك موقف هتكون فيه ظالم، حتى لو بنسبة طفيفة، و حتى لو عَدلت من سلوكك بعد كده.

إتجرحت؟

هيجيلك حد هيحبك اوى و تجرحه غصب عنك او بمزاجك. حتى لو إعتذرتله و طيبت خاطره بعد كده.

كنت ضعيف و مش متشاف؟

هيجيلك يوم تكون فيه فى القمة و الناس كلها تشوفك.

بإختصار، كل شعور شخص خلاك تِحِسُه، هيرجعله تانى بنفس الشكل، حتى لو من مصدر مختلف.

و كل شعور حَسِستُه انت لغيرك، هيرجعلك تانى، حتى لو من شخص مختلف.

الدنيا مبتخلصش، قبل ما كل طاقة صرفتها، ترجعلك تانى، بنفس القوة و نفس المقدار (ده قانون طاقى).

ولا الحساب بيتقفل، قبل ما كل البشر يصفوا حساباتهم مع بعض.

ميزان الدنيا الطاقي، أعدل مما تتصور.

لإنه من صنع الإله العادل، ربنا سبحانه و تعالى.

إطمن، انت فى الكَفَه الصح، أياً كانت فين.

شمال، او يمين.

اللهم ما إرزقنا الوَسَط (الصراط المستقيم)،

و ثبتنا عليه. 🗝️

تم. ♾️

رنا راشد

#واحة #الشفاء