الست هي الشعلة

الست هي شعلة الأمل و المثالية فى حياة كل راجل، مهما اتعقدت الظروف...و مهما خف نور الحق...لازم كل ست تحافظ على أملها المفرط بالله.

لإن هي ده الست اللى راجل هيصحى كل يوم عشان يحميها، لإنها بتشحن روحه بالأمل فى التغيير، و تدفعه إنه يغمض عينيه عن يأس الواقع، و يفتح قلبه لحقيقة أملها فيه.

مهما تعب الراجل فى حياته و مَل...طول ما فى ست فى حياته هو عايش عشان يحميها، هيفضل راجل قوى، و واقف على حيله.

و الست ده مش شرط تكون حبيبته، ممكن تكون جارته، أخته، أمه، مراته، بنته...أو بنت وطنه.

طول ما الست متمسكة بمثاليتها، إحترامها لمبادئها و نفسها، أملها فى بكره، و إيمانها ان ربنا هيجيب بكره يوم أفضل،

هيفضل راجلها يحاول انه يكون أفضل صورة من نفسه عشانها. هيفضل مرتاح و مطمن...إن فى قلب طيب و نضيف مؤمن بيه...حتى فى عز الدنيا ما بتكسره مليون حته!

الست هي ميزان الراجل و شعلة قلبه...و لو إنطفت!

هيبقى فعلاً مفيش أمل.

♾️🤍

رنا راشد

#واحة #الشفاء