الطفل اليتيم
- Rana Rashed
- Oct 31, 2025
- 1 min read
فى عالم بعيد غير عالمنا المعهود،
بيجلس طفل صغير لوحده وحيد،
طفل من بره موجود، لكنه فى حسابات البشر،
مرفوض.
طفل كل ذنبه إنه إتولد،
طفل مختارش حاجة،
حتى قوت يومه.
طفل،
العالم بيلف من حواليه بصَخب،
و هو لسه برضه وحيد.
طفل، محدش عارف عنه،
غير اللى خلقه.
محدش عارف،
إن اللى إتخلق عشان يساعده،
مبقاش موجود، او مبقاش اصلاً عايزه.
و إن اللى ممكن يساعدوه،
مش شايفينه!
طفل (يتيم)
(وحيد)
(بردان)
فى كل لحظات حياته،
من بره و جوه.
طفل محدش داري بيه غير اللى خلقه،
الطفل ده،
هو انا،
هو انتم،
هو صورة مننا فى عالم آخر.
الطفل اليتيم،
البردان،
من بره و من جوه،
كان ممكن اوى يكون احنا.
بس الحمدلله…ربنا أنقذنا.
يلا ننقذه، يلا نِرُد الجِميل.
💔❤️🩹
رنا راشد
Comments