اللى جرحك زمان
- Rana Rashed
- Nov 7, 2025
- 1 min read
#رسالة لك فى هذه اللحظة:
اللى أذاك،
مش بس سرق تجربتك فى الحب زمان...
لا،
ده كمان كرهك فى نفسك،
عَلِمَك إنك متستحقش تتحب،
مع إنك مليان حاجات حلوة،
تستاهل تتحب عشانها.
و حتى بعيوبك،
تستاهل تتحب،
زي ما انت.
اللى أذاك زمان،
زرع فى عقلك فكرة:
إن الحب صعب،
و مش أمان.
مع إنه الحب أصلاً،
أسهل،
و أطيب حاجة فى الدنيا.
لازم تعرف،
إن عشان التجربة القديمة تتغير،
مش هتتغير بسهولة أبداً.
و مش هتدفع تمنها لوحدك،
لا للأسف،
هيدفع تمنها كل اللى بيحاولوا يحبوك دلوقتى،
و ده اكتر حاجة توجع بصراحة فى الموضوع 💔
بس متخافش،
بطمنك:
إن لو الحب حقيقي و من الروح،
بتستنى مهما حصل.
لإنه بيفضل ينده عليك،
مهما حاولت تروح بعيد.
رنا راشد
Comments