"تردد الأرض"

#رسالة لك:

ده أصعب تأمل وصلني من ساعة دخولي للرحلة ده-

الأرض، هي مكان للأرواح الضائعة. و عقاب لذنوب عملناها فى حيوات سابقة لسه مكفرناش عنها.

و الألم، هو الترياق الوحيد اللى هيغسلك من ذنبك، سواء عن طريق ندمك على ذنوبك، او أذية الغير ليك.

و عمال النور، لستم هنا لطلب الحب!

مصباحكم مشتعل بالحب الإلهي بالفعل (لو إتصلتوا بالسماء)، و الحب الغير مشروط، هو المصباح اللى هتنوروا بيه الطريق للأرواح الضائعة.

نوركم ليهم مش دايماً هادي و لطيف، مش دايماً فيه حب!

على وزن كفة الحب، فى كفة تانيه إسمها

"رد الإعتبار"،

لازم تمروا بيها عشان توصلوا لتردد

"الجنة على الأرض".

الجنة تردد على الأرض قبل ما يكون فى السما.

و لغته، هو الحب،

و أداته، هو القلب.

و مرضه، هو الكره.

مش مطلوب منك تكره او تأذي، بس مطلوب منك تنفذ عدل الحب، حتى لو كان عن طريق عكس الألم.

الخاين لازم يتساب، عشان يعرف هو/هي خسروا مين.

و الكذاب لازم يتكشف، عشان يبطل يلعب على الناس.

و الحبيب، لازم يتحب بقوة أكبر، عشان ميفقدش طريقه للجنة عن طريقك.

لازم تِوازِن الكفة، بين الحب، و رد الإعتبار.

و للأسف، كفة حبك فاضت و طافت.

و كفة رد إعتبارك مهوية و وقعت ميزانك.

انا اسفة ليك،

بس دلوقتي...

وقت ملأ كفة "رد الإعتبار"

مهما كان الألم اللى هتحسه و أنت بتعمل كده،

عاملهم بالظبط زي ما عاملوك.

حتى لو مكنتش عايز كده.

لازم يحسوا اللى خلوك تحسه، عشان يتعدل الميزان.

• رنا راشد

#واحة #الشفاء