حَكولَك عَني؟!
- Rana Rashed
- Feb 16, 2025
- 1 min read
حكولَك عَني إيه؟!
عن قسوتي؟
عن قلة كلامي؟
عن تعاملي معاهم بالورقة و القلم؟
عن رعونتي فى أخذ حقي؟
عن الكلام الكتير...
اللى بقى مبيطلعش مني ليهم؟
حكولَك عني إيه؟
خليهم يِحكوا اللى يحكوه.
بس نسيوا يحكولك...
عن كل الحب اللى إديته ليهم زمان،
و إترد ظُلم.
عن كل الأعذار اللى التمستها ليهم،
على حساب نفسي،
و إتقلبت خناجر طعنوها فى قلبي.
حكولك عني إيه؟
حكولك كام مرة سامحت من غير عتاب؟
حكولك كام مرة أذوني،
و عرفت...و سكتت؟
حكولك كام مرة نمت بموت من جوايا،
و هما بيضحكوا؟
حكولك عن قسوتي صح؟!
بس نسيوا يحكولك...
إني بقيت نسخة منهم!
إني قِسيت،
من كُتر نكرانهم لمعروفي.
إني مشيت عالشوك سنين،
عشان مقساش على حد.
إنى طعنت نفسي بسكينة تِلمَه،
عشان أتجنب أحارب اللى مِني.
حكولك إن الشفائي إتقلب قاسي!!
حكولك عن رد فعلي فيهم اليوم،
بس نسيوا يحكولك...
عن أفعالهم فيا سنين.
رنا راشد
Comments