زمن الوهم

لما تكون بتتعامل مع إنسان، فى ٤ حدود بتحكم ضميره فى تعامله معاك:

١- إنسانيته و إحترامه لانعكاس روحه فيك

٢- أخلاقه و تربيته و إحترامه لأصوله

٣- حبه و مخافته من ربنا

٤- عِلمُه و مدى استنارته الروحية

* (لكن ده حالة للأسف، لا تنطبق على الأغلبية، لأنهم نيام)

#المصيبة:

لما تبقى مضطر تتعامل مع إنسان مفتقر للأربع أسس دول،

لا و مش بس كده،

لما الإنسان ده كمان يكون فاكر نفسه على حق و أذكى منك.

بتبقى ساعتها فى موقف لا تحسد عليه.

بتقامر بين إنك تحافظ على أخلاقك و إحترامك لنفسك،

و إنك تواجهه بحقيقته المُخزية اللى هو/هى عارفينها كويس،

بس بيحاول يقنع نفسه إنه عكسها.

يا ريت الفلوس اللى (الكل "مكلوب" عليها الأيام ده) كانت تقدر فعلاً تنضف النفوس،

مكنش حد غُلُب.

رنا راشد

#واحة #الشفاء