سبحانه مُوَزِع الأرزاق

#رسالة لك فى هذه اللحظة:

لما تلاقي حد انت عمرك ما عملتله حاجة...بيكرهك لله فى الله كده، بيتكلم عليك من ورا ضهرك، او بيحفرلك طول الوقت عشان عايز "يوقعك"،

أفرح!

ايوه بجد و الله أفرح...لإن معنى كده:

إن الشخص ده فى منافسة خيالية، سرية معاك (جوه دماغه) هو اللى صنعها من اللا شئ، و المنافسة ده أنت فيها اللى كسبان (جوه دماغهم برضه). لإن ربنا وحده، هو اللى يعلم، مين سابق مين فى حسابه!

لكن ما دام الإنسان ده كرهك اوى كده من غير سبب واضح، أعرف ساعتها إنك محبوب عنده، بل و محسود على اللى عندك!

لإن محدش بينافس حد هو شايفه أقل منه! الناس بتتنافس مع اللى شايفينه أقوى منهم بس.

عشان كده لما حد يكيد لك: أفرح من قلبك، و إدعيلهم بالهداية...إدعيلهم يقربوا من ربنا، عشان يعرفهم سبحانه تميزهم، و يركزوا مع نفسهم، نص الوقت بس اللى مركزينه معاك، هينجحوا و الله...و يمكن اكتر منك كمان فى شئ آخر.

لإن زي ما ربنا موزع الأرزاق فى المال و الحب، موزع الأرزاق كمان فى الموهبة:

و عاطي كل إنسان صَنعَه، محدش غيره يعرف يعملها زيه.

ممكن الناس تقلدك كتير فى اللي بتعمله، بس محدش هيعرف يكون أنتَ!

عشان كده لما حد مرة تانيه يضايقك و ينافسك و يحاول يضيق الدنيا عليك، أفرح من كل قلبك!

((لإن ده دليل على نجاحك! و فشلهم، مش فى صنعتهم، لا...فى إيمانهم فى عدل ربنا فى توزيع الأرزاق)).

"و من شر حاسدٍ إذا حَسَد"

صدق الله العظيم

🪬🧿

رنا راشد

#واحة #الشفاء