"ست الستات"

أنا اتربيت إنى عشان أكون "ست الستات"...

لازم أدعم الستات اللى حواليا، ده أول و أهم خطوة.

المنافسة من اي ست ناحيتي، هتكون دايماً من طرف واحد. و هقابلها بكل الحب و الدعم، (طول ما فى إحترام متبادل، و عدم تجاوز لحدود الأخلاق.)

أنا ممكن أقسى على راجل، لكن مستحيل، مهما حصل، أجي على ست زي أو أجرح أنوثتها او رحلة حياتها مهما حصل.

لإنى ببساطة، ست بنيت نفسي بنفسي، و نحتت فى الصخر حرفياً، عشان أرتقي فى الحياة بشرف، من غير ما أخسر نفسي او شرفي.

و فاهمة و واعية كويس اوى، لصعوبة رحلِتِك كَ ست زي، عشان كده، بقدم تنازلات كتير للستات، بستثمر فيهم، و بشجعهم من كل قلبي،

مش من باب الضعف او الخوف مِنِك، او، إني مقدرش أقابل كيدِك بكيد أكبر. بالعكس، عندي الظلام و المَكر زي اي ست، اللى يخليني أحاربِك، و أهزِمِك تماماً، بس...

لو هَزَمتِك و كَسَرتِك كَ ست زي،

هكون بهزم نفسي فيكي، و أمي، و أختي، و صديقتي...و كل ست بحبها فى عيلتي.

أنا، رنا راشد، هعيش طول حياتي، سِت بدعم الستات، ببنيهم، بقويهم، و بسند ضهرهم. عمري ما هاجي عليكي مهما شوفت مِنِك.

هفضل طول عمري، سِت للستات، و سِت الستات.

و بتمنى انتى كمان تحبي نفسِك فى يوم من الأيام، لدرجة، تسمحلِك تتعاوني مع الستات اللى زيِك، مش تتنافسي معاهم.

رحلة حُبِك لذاتِك كَ ست، هتكون للأسف طويلة، و صعبة، و مرهقة احياناً، و بتيجي واحدة واحدة، مش مرة واحدة. 💞🧖‍♀️💅

لكن تستحق كل عناء 🫂👸

🤍♾️

رنا راشد

#واحة #الشفاء