"شروط زواجي"
- Rana Rashed
- Dec 9, 2025
- 1 min read
رسالة إلى زوجي المستقبلي العزيز،
للزواج مني، فى شرطين غير قابلين للتفاوض:
الشرط الأول
مَهري إنك تحفظ (جزء عمّ)،
و هو الجزء الثلاثون والأخير من القرآن الكريم.
و هتتلوه أمام شيخ روحاني من طرفي قبل كتب الكتاب، للتأكد من صحة تلاوتَك.
الشرط الثانى
إنك تُقيم فروض الصلاة الخمسة فى مواعيدها،
دون تفويت اي فرض،
مهما كانت ظروفك،
(طول الحياة).
و الشرط ده هكتبه فى عقد جوازي إن شاء الله،
إن جوازي هيبطل منك بتوقفك عن الصلاة،
و ده مشروع دينياً و من حقي.
📌 لو مش هتقدر تلتزم بالشرطين دول،
مفيش داعي تتعب نفسك و تتقدم.
أنا واعية إن فى ناس هتتريق عليا و تَهجيني لكلامي. لأنهم شايفين (من وجهة نظرهم)، إن ديني ناقص، بسبب لبسي و رأيهم فى روحانياتي.
بقولهم، قولوا اللى تقولوه، بيني و بينكم ميزان ربنا العادل، يوم العرض عليه إن شاء الله. و سبحانه هيوزن قلوبنا،
و يحكم مين فينا كان غلطان.
📌ده شروط قديمة جداً،
وضعهم جدي الروحاني الله يرحمه لزواجي،
و مش هخالفهم مهما حصل.
أنا عايزه راجل يعدي على ربنا قبل ما يوصل لقلبي.
و يقربني لربنا اكتر، حتى لو أنا كنت دلوقتي مش بالقُرب اللى أتمناه. هو ده الرجل الوحيد، اللى هستأمنه على نفسي.
لو الشرطين دول متحققوش، ربنا يوفقك لبنت مناسبة لك أكتر مني، بما يُحِب الله و يرضى.
شكراً.
كل الحب،
رنا راشد
Comments