غلطان أنا!
- Rana Rashed
- Mar 30, 2025
- 1 min read
حبيتكم.
حبيتكم من قلبي بجد،
من غير براويز.
ولا اخترتكم عشان جاه ولا ملايين.
ولا شكلكم الحلو غواني.
بس انتوا مش شبه روحكم،
لابسين وشوش من خشب!
من كُتر ما انتوا خايفين،
بقيتوا مزيفين،
لَجل ما تعجبوا ناس تانيين.
بس يا ترى التانيين،
حَبوكم قَدي؟!
بطلت أحاول أفهمكم.
لإنكم نفسكم مش فاهمين.
و مشيت نِحية قدري لوحدي...
على أمل فى يوم...
ألاقي ناس حقيقيين.
مقدرش أضيع اكتر من عمري معاكم،
بحارب ناس لابسه وشوش،
عشان بس من حقيقتهم،
خجلانين!
لو عشقي لتفاصيلكم مَقدِرش ينقذكم...
يبقى مفيش أمل نبقى قريبين.
عمري ما هنسي الأيام اللى عيشتها معاكم،
كُنا فعلاً مبسوطين! 📌♥️💔🙏🏼
كنت بعيشها بجد لوحدي!
بس يا ترى انتوا...
كنتوا معايا حقيقيين؟!
ولا رسمتوا قصة فى خيالكم،
و سجنتوني جواها سنين!
رنا راشد
Comments