متحبنيش
- Rana Rashed
- Aug 5, 2025
- 1 min read
#رسالة لأحدهم🤍:
و كإننا بنفتكر إننا حاجة صغيرة اوى،
فى سيناريو الدنيا ساعات.
عشان قابلنا ناس مش أصيلة،
كانوا بيحسبونا بالدولار و الجنيه،
لكن فجأة...
بيظهر فارس أصيل،
راكب حصان أبيض،
قلبه نضيف رغم الجروح.
و نيته صافية رغم اللى عنده.
حد نضيف بجد،
مش تمثيل.
حد مكناش نحلم إنه حتى يلاحظنا،
بس الشخص ده من كرم أخلاقه،
و شهامته،
مش بس يلاحظنا،
لا يدعمنا.
و يفرحنا.
و يعاملنا كويس جداً،
رغم فرق المستويات!
و كإن الشخص ده رسالة لينا من ربنا،
إن الدنيا لسه بخير.
و إننا عمرنا ما كنا قليلين،
و دايماً نستحق الأحسن.
و إن الأصيل أصيل،
مهما إختلطت المظاهر.
الفارس اللى زي ده،
يستاهل كل حاجة حلوة.
و يستاهل إننا نكون أحسن،
عشان نليق بيه.
لإن اللى قلبه كده،
يستاهل التعب.
و لو حتى كان التعب ده معناه،
إننا نبعد عنه ساعات.
لإن الفارس النبيل،
مينفعش يسابق بحصان مكسور.
و مش ذنب الحصان إنه أتكسر.
بس هي الدنيا،
تَمَلي ترخص الغالي.
و تغطي رُخص الرخيص،
بالفلوس.
رنا راشد
Comments