نوع خاص من الستات

تحية كبيرة اوى لنوع خاص جداً من الستات...

الستات اللى هاديين تحت الضغط،

ساكتين وسط الدوشه،

سجادتهم و إسدال صلاتهم مفرودين عشان بيستخدموهم كتير.

شموعهم و صليبهم حاضرين، عشان قلبهم منورة بنور العدرا.

شكلهم طبيعي، قابلين نواقصهم، عارفين مناطق جمالهم.

الانبوكس بتاعهم فاضي، عشان فهموا إن الإهتمام مش حب.

وقعوا كتير، بس شافوا الطريق و بيحاولوا يثبتوا عليه.

الستات اللى مبيطلبوش مساعدة من حد،

بيعملوا كل حاجة بنفسهم،

عشان فاهمين إن مفيش خدمة ملهاش مقابل.

الستات اللى خايفين من جواهم، بس بيطبطبوا على قلوبهم بإيمانهم فى ربنا.

مستعدين يخسروا اي حاجة و اي حد،

بس ميخسروش إحترامهم لنفسهم.

اللى مبيتكسفوش يعملوا كوباية شاي و اكل لأخواتهم الولاد بِحُب،

بعدين يغيروا هدومهم و ينزلوا يتناقشوا مشروع بملايين فى إجتماع.

تحية و إحترام و تقدير ليكم.

لو المجتمع مش مقدركم، نصيبكم لسه محفوظ عند ربنا. ♥️✨💐

✨ كل "يوم مرأة عالمي" و أنتن بِخَير 🌹💚🌹

رنا راشد

#واحة #الشفاء