📌 ٧ طرق خفية لسرقة طاقتك (أنت فاكرها عادية)

📌 ٧ طرق خفية لسرقة طاقتك (أنت فاكرها عادية):

١- افتعال القصص العاطفية من قِبِل المشاهير، مناقشة حياتهم الشخصية على العلن، مشاركة تفاصيل يومية تافهة عن حياتهم (لن تفيد حياتك انت بأي شكل)- هو فى الحقيقة طريقة لجذب التفاعل من جهتك، و سرقة طاقتك لتزويد الضجة و الشهرة حول اسمهم. المحتوى الشريف الهادف، دايماً هدفه إضافة معلومة لك، او تحسين حياتك بشكل ما، الصانع او الفنان الحقيقي هو مجرد ناقل لرسالة و ليس مستعرض.

٢- تزويد الأخبار و المجتمع بطاقة خوف و هلع عن طريق الحروب المفتعلة، الأزمات الإقتصادية الغير حقيقية، و نقص المواد الغذائية المفبرك- الهدف منها هو دفعك لفقد السيطرة على تفكيرك، و الشراء بشكل هستيري و عشوائي من باب الخوف- هي طريقة قديمة لسحب فلوسك، او دفعك لبيع أسهمك، بس بشكل شيك.

٣- افتعال دور الضحية من قَبَل المشاهير و صناع المحتوى و الشكوى عن حياتهم الشخصية على العلن- اللى عنده مظلمة حقيقية، بيتوجه للقضاء او حكم من أهله ياخدله حقه- لكن ده طريقة غير واعية بتسقط بيها الضحية ألمها عليك لما تسمعها- لأنهم فى اللاوعي بتاعهم مدمنين الأذى و مش حابين ياخدوا خطوات واقعية للخروج منه.

٤- إستحلافك بالله و تذميمك عشان تعمل لايك و شير على محتوى ممكن اوى تكون مش مهتم بيه اصلاً- هو طريقة مفتعلة لخلط الدين بالسوشيال ميديا، و إستغلال الدين و ربنا لصنع محتوى.

٥- تخويفك المستمر من مجموعة معينة من البشر او عائلة معينة فى بلدك عشان متتعاملش معاهم او تقصيهم من دايرتك- اي حد بيتعمل عليه بروباجندا تشويه معتمدة (اعرف ان عنده معلومة عدوك مش عايزك تحصل عليها عن طريق التعامل معاه).

٦- محاولة حصرك فى دور معين او صندوق معين او طريقة تفكير واحدة طول عمرك من جهة أشخاص مقربين فى حياتك- و منعك حتى من التفكير بره الصندوق و تخويفك من دماغك لو فكرت بطريقة مختلفة عنهم (او حاولت مثلاً تعمل مشروع خاص بيك او تبني فكرة جديدة هما عمرهم ما فكروا فيها)- هي طريقتهم فى إحباط شرارة الإبداع عندك من قبل ما تشتعل، و طريقتهم فى إنهم يخلوك دايماً فى مستواهم عشان يضمنوا إنك متبقاش أحسن منهم.

٧- محاولة تخويفك بربنا و لَوي الدين و العادات و التقاليد لإبقائك فى علاقات او بيئات عمل او اماكن بتهين إنسانيتك- هي طريقة ممكن يستخدمها أقرب البشر ليك لإبقائك تحت قبضتهم و التحكم فيك و كسرك اكتر من أجل مصالحهم الشخصية- (اللى عارف ربنا و الأصول عن حق، مستحيل يقبل بظلم بني آدم).

رنا راشد

#واحة #الشفاء